Xalq deputatlari Bo‘stonliq tumani Kengashning 2026-yilga mo‘ljallangan ish rejasiga muvofiq O‘zbekiston “Milliy tiklanish” demokratik partiyasidan saylangan deputat J.Abdixayomova tomonidan tumanning “Aydarali” mahallasi bo‘yicha hokim yordamchisi Q.Nurmamatovning aholi bandligini ta’minlash, fuqarolarni o‘zini o‘zi band qilishga ko‘maklashish hamda ularni imtiyozli kreditlardan foydalanishga yo‘naltirish borasidagi faoliyati o‘rganildi.

🔺O‘rganish davomida mahallada mehnatga layoqatli, ammo doimiy daromad manbaiga ega bo‘lmagan fuqarolar bilan olib borilayotgan ishlarga alohida e’tibor qaratildi. Hokim yordamchisi tomonidan aholining qiziqish va imkoniyatlarini o‘rganish, ularga mos daromadli mehnat turlarini tanlash hamda bandligini ta’minlash bo‘yicha amalga oshirilayotgan ishlar ko‘rib chiqildi.

🔺Shuningdek, o‘z biznesini boshlash yoki faoliyatini kengaytirish istagida bo‘lgan aholi vakillariga imtiyozli kreditlar haqida ma’lumot berish, kredit olish shartlari, talab etiladigan hujjatlar, mablag‘dan maqsadli foydalanish va tadbirkorlik faoliyatini yo‘lga qo‘yish tartibini tushuntirish masalalari o‘rganildi.

🔺Deputat tomonidan imtiyozli kreditlar haqidagi ma’lumotlar aholiga faqat umumiy tarzda emas, balki har bir fuqaroning rejasi va imkoniyatidan kelib chiqqan holda yetkazilishi muhimligi ta’kidlandi. Kredit olish istagida bo‘lgan fuqarolarga biznes g‘oyasini shakllantirish, zarur hisob-kitoblarni amalga oshirish va tegishli tashkilotlarga murojaat qilish jarayonida amaliy ko‘mak ko‘rsatish zarurligi qayd etildi.

🔺Deputat tomonidan hokim yordamchisiga mahalladagi ishsiz va doimiy daromad manbaiga ega bo‘lmagan fuqarolarni qayta xatlovdan o‘tkazib, har bir xonadon kesimida aniq reja asosida ishlash bo‘yicha tavsiyalar berildi.