Xalq deputatlari Toyloq tuman Kengashi kotibiyati mudiri  N. Mo‘minova tomonidan vakant 10-Payshanbasiyob saylov okrugiga qarashli Qo‘shchinor mahallasida mahalla xotin-qizlar faolining ish faoliyati o‘rganildi.
O‘rganish davomida xotin-qizlar bilan ishlash, oilaviy muammolarni o‘z vaqtida aniqlash va ajrimlarning oldini olish, xorijga mehnat qilish uchun ketgan xotin-qizlarni munosib ish bilan ta’minlash va ularning muammolarini hal etish masalalariga alohida e’tibor qaratildi.
✅Shuningdek, mahallada notinch oilalar bilan manzilli ishlash, oilaviy nizolarni bartaraf etish va yarashuvga erishish borasida amalga oshirilayotgan ishlar muhokama qilindi. Bunda mahalla faollari, hoji onalar, otinoyilar, imom-xatiblar hamda nuroniy oqsoqollar bilan hamkorlikni yanada kuchaytirish muhimligi ta’kidlandi.
✅Bundan tashqari, xotin-qizlar o‘rtasida huquqbuzarlik va jinoyatchilikning oldini olish, ularning bandligini ta’minlash hamda ijtimoiy muammolarini o‘z vaqtida aniqlab, amaliy yordam ko‘rsatish yuzasidan tegishli tavsiya va topshiriqlar berildi.
✅Mahallalarda xotin-qizlar bilan tizimli ishlash, oilalar mustahkamligini ta’minlash va mavjud muammolarni manzilli hal etish borasidagi ishlar davom ettiriladi.