Xalq deputatlari Chilonzor tumani Kengashi deputati Mahmudova Donoxon Artikоvna tomonidan hududda nogironligi bo‘lgan shaxslarga davlat tomonidan qonunchilikda belgilangan imtiyozlarning to‘g‘ri va to‘liq qo‘llanilishi hamda ularga ko‘rsatilayotgan ijtimoiy xizmatlar holati o‘rganildi.

O‘rganish davomida nogironligi bo‘lgan shaxslarning huquq va qonuniy manfaatlarini ta’minlash, ularga qonunchilikda nazarda tutilgan imtiyoz va kafolatlardan foydalanish imkoniyatlarini yaratish, shuningdek, ijtimoiy xizmatlarning belgilangan tartibda va sifatli ko‘rsatilishi masalalariga alohida e’tibor qaratildi.

Jumladan, O‘zbekiston Respublikasining “Keksalar, nogironligi bo‘lgan shaxslar va aholining boshqa ijtimoiy ehtiyojmand toifalari uchun ijtimoiy xizmatlar to‘g‘risida”gi Qonuni, O‘RQ-415-son talablarining hududda ijro etilishi holati bilan tanishildi.

Shuningdek, nogironligi bo‘lgan shaxslarga beriladigan davlat imtiyozlaridan amalda to‘g‘ri foydalanilishi, ijtimoiy xizmatlar va boshqa zarur ko‘mak turlarining o‘z vaqtida ko‘rsatilishi, ushbu toifadagi fuqarolarning ijtimoiy himoyasi hamda qonuniy manfaatlarini ta’minlash bo‘yicha amalga oshirilayotgan ishlar ko‘rib chiqildi.

O‘rganish jarayonida mavjud muammolar, ularni bartaraf etish imkoniyatlari hamda nogironligi bo‘lgan shaxslarning huquq va manfaatlarini yanada samarali himoya qilish bo‘yicha amalga oshirilishi lozim bo‘lgan chora-tadbirlarga e’tibor qaratildi.

Mazkur yo‘nalishdagi ishlarni tizimli ravishda davom ettirish, qonunchilik talablarining hududda to‘liq va sifatli ijrosini ta’minlash hamda nogironligi bo‘lgan shaxslarga ko‘rsatilayotgan ijtimoiy xizmatlar samaradorligini oshirish masalalari deputatning doimiy nazoratida bo‘ladi.