Xalq deputatlari Sardoba tumani Kengash raisi R.Toshpo‘latov tomonidan Birlashgan mahalla fuqarolar yig‘ini hududida elektr simyog‘ochlarining holati joyiga chiqqan holda o‘rganildi.

O‘rganish davomida ayrim simyog‘ochlar texnik jihatdan eskirgani, ulardan foydalanish aholi xavfsizligi hamda elektr ta’minoti barqarorligiga salbiy ta’sir ko‘rsatishi mumkinligi qayd etildi. Mazkur muammo yuzasidan fuqarolarning murojaatlari va takliflari ham tinglandi.

Muammoni qisqa muddatlarda bartaraf etish hamda mas’ul tashkilotlar e’tiborini ushbu masalaga qaratish maqsadida tuman deputati tomonidan tegishli idoralarga deputatlik so‘rovi kiritishga kelishib olindi.

Tashrif yakunida aholi xavfsizligini ta’minlash, yaroqsiz holga kelgan simyog‘ochlarni bosqichma-bosqich almashtirish va elektr tarmoqlarini texnik jihatdan yaxshilash bo‘yicha mas’ul tashkilotlarga tegishli taklif va tavsiyalar bildirildi.