Xalq deputatlari Bo‘stonliq tumani Kengashning 2026-yilga mo‘ljallangan ish rejasiga muvofiq O‘zbekiston “Milliy tiklanish” demokratik partiyasidan saylangan deputat D.Xolmurotov tomonidan tumanning “Pskom” mahallasi bo‘yicha hokim yordamchisi S.Esonboyevning aholi bandligini ta’minlash, daromad manbalarini kengaytirish va ishsiz fuqarolarni mehnat faoliyatiga jalb etish borasidagi ishlari o‘rganildi.

🔻O‘rganish davomida hokim yordamchisi tomonidan mahallada istiqomat qiluvchi ishsiz va ishlash istagida bo‘lgan fuqarolar bilan olib borilayotgan ishlar, ularning bandligini ta’minlash bo‘yicha amalga oshirilayotgan chora-tadbirlar tahlil qilindi. Jumladan, fuqarolarni doimiy va mavsumiy ish o‘rinlariga joylashtirish, o‘zini o‘zi band qilish, tadbirkorlik faoliyatini yo‘lga qo‘yish, kasb-hunarga o‘qitish hamda imtiyozli kredit va subsidiyalardan foydalanish imkoniyatlari bo‘yicha ko‘rsatilayotgan amaliy yordamlar ko‘rib chiqildi.

🔻Shuningdek, mahallada ishsiz aholini aniqlash, ularning qiziqishi va imkoniyatlaridan kelib chiqib munosib ish bilan ta’minlash, tadbirkorlik faoliyatini boshlash istagida bo‘lgan fuqarolarni qo‘llab-quvvatlash masalalariga alohida e’tibor qaratilgani qayd etildi.

🔻O‘rganish yakunida mahallada ishsiz fuqarolarni kamaytirish, mavjud bo‘sh ish o‘rinlaridan samarali foydalanish, aholining tadbirkorlik tashabbuslarini qo‘llab-quvvatlash va daromadlarini oshirishga qaratilgan ishlarni yanada kuchaytirish bo‘yicha tegishli tavsiyalar berildi.