#muammoga_yechimlar #Deputatlik_nazorati

DOLZARB 40 KUNLIK DOIRASIDA KUZ-QISH MAVSUMIGA TAYYORGARLIK ISHLARI NAZORATDA

📈 Xalq deputatlari Uchtepa tumani Kengashi kotibiyati hamda deputatlari tomonidan joriy hafta davomida tumanda 2026–2027-yillar kuz-qish mavsumiga tayyorgarlik holatini o‘rganish, aniqlangan muammolarni bartaraf etish va mas’ul tashkilotlarga berilgan topshiriqlar ijrosini nazorat qilish ishlari davom ettirildi.

⚙️ O‘rganishlar “Dolzarb 40 kunlik” tadbirlari doirasida tashkil etilib, asosiy e’tibor aholining kuz-qish mavsumini betalofat o‘tkazishini ta’minlash, kommunal xizmatlar faoliyatini yaxshilash hamda muhandislik-kommunikatsiya tarmoqlarining barqaror ishlashiga qaratilmoqda.

📝 Hafta davomida tumandagi GTP — gaz taqsimlash punktlarining texnik holati, ulardagi mavjud kamchiliklar, gaz ta’minoti tizimlarining mavsumga tayyorgarligi hamda xavfsizlik talablariga rioya etilishi o‘rganildi. Aniqlangan ayrim muammolarni tezkor bartaraf etish yuzasidan tegishli kommunal xizmatlar mas’ullariga aniq topshiriqlar berildi.

📊 Shuningdek, o‘rganish jarayonida aniqlangan kamchiliklarni bartaraf etish bo‘yicha mas’ul tashkilotlar tomonidan amalga oshirilayotgan ishlar joyiga chiqqan holda nazorat qilinib, berilgan topshiriqlarning ijrosi tahlil qilindi. Muammolarni ortga surmasdan, belgilangan muddatlarda hal etish bo‘yicha tegishli ko‘rsatmalar berildi.

🧠 Kuz-qish mavsumiga tayyorgarlik jarayonlari bundan buyon ham Xalq deputatlari Uchtepa tumani Kengashi kotibiyati va deputatlari tomonidan manzilli o‘rganilib, nazoratga olinadi. Bunda aholiga qulay va uzluksiz kommunal xizmat ko‘rsatishni ta’minlash, mavjud muammolarni o‘z vaqtida aniqlash hamda ularning amaliy yechimini ta’minlashga alohida e’tibor qaratiladi.

📈 “Dolzarb 40 kunlik” doirasidagi ushbu amaliy ishlar tumanda kuz-qish mavsumiga puxta tayyorgarlik ko‘rish va aholi uchun barqaror sharoit yaratishga xizmat qiladi.