“IBROHIM OTA” MFYDA XAVFSIZ MUHITNI TA’MINLASH BORASIDAGI ISHLAR MUHOKAMA QILINDI

🇺🇿 O‘zbekiston Respublikasi Prezidentining 2025-yil
3-yanvardagi “2025-yilda respublika mahallalarida xavfsiz muhitni yaratish hamda huquqbuzarliklarning oldini olish tizimi samaradorligini yanada oshirish bo‘yicha chora-tadbirlar to‘g‘risida”gi PQ-1-sonli qarori ijrosi yuzasidan Xalq deputatlari Olmazor tumani Kengashi deputati To‘rabek Nazarov ishtirokida Olmazor tumani “Ibrohim ota” MFY profilaktika inspektorining 2026-yil II chorak yakunlari bo‘yicha hisoboti tinglandi.

📌 Hisobotda mahallada jamoat xavfsizligini ta’minlash, huquqbuzarliklarning oldini olish, profilaktik hisobda turgan shaxslar bilan manzilli ishlash, oilaviy va maishiy nizolarning oldini olish, yoshlar o‘rtasida huquqbuzarliklar profilaktikasi hamda fuqarolar osoyishtaligini ta’minlash borasida amalga oshirilgan ishlar muhokama qilindi.

🤝 Shuningdek, mahalla yettiligi vakillari bilan hamkorlikda mavjud muammolar, xavf guruhiga kiruvchi fuqarolar bilan ishlash samaradorligi hamda kelgusida amalga oshirilishi lozim bo‘lgan profilaktik chora-tadbirlar yuzasidan fikr almashildi.

⚖️ DEPUTATLARGA BIRIKTIRILGAN QONUNLAR

🔹 “Mahalliy davlat hokimiyati to‘g‘risida”gi Qonun — mahalliy Kengashlarning hududdagi masalalarni ko‘rib chiqish, aholi manfaatlarini ifodalash va ijro hokimiyati organlari faoliyati ustidan nazoratni amalga oshirishdagi vakolatlarini belgilaydi.

🔹 “Fuqarolarning o‘zini o‘zi boshqarish organlari to‘g‘risida”gi Qonun — mahalla faoliyatining huquqiy asoslarini, fuqarolarning o‘zini o‘zi boshqarish organlari vakolatlarini hamda aholi bilan hamkorlikda ijtimoiy masalalarni hal etish mexanizmlarini belgilaydi.

🔹 “Huquqbuzarliklar profilaktikasi to‘g‘risida”gi Qonun — huquqbuzarliklarning oldini olish, ularning sodir etilishiga sabab bo‘luvchi shart-sharoitlarni aniqlash va bartaraf etish hamda profilaktik tadbirlarni tashkil etishning huquqiy asoslarini belgilaydi.

🔹 “Ichki ishlar organlari to‘g‘risida”gi Qonun — jamoat tartibini saqlash, fuqarolar xavfsizligini ta’minlash va huquqbuzarliklarning oldini olish borasidagi ichki ishlar organlari faoliyatining huquqiy asoslarini belgilaydi.

🎯 Deputatlik nazorati doirasida “Ibrohim ota” MFYda xavfsiz muhitni mustahkamlash, huquqbuzarliklarning barvaqt oldini olish, mahalla yettiligi bilan hamkorlikni kuchaytirish hamda fuqarolar osoyishtaligini ta’minlash borasidagi ishlarning samaradorligi o‘rganib boriladi.

⚡️ Bizni ijtimoiy tarmoqlarda kuzatib boring!