30 IYUL — XALQLAR DO‘STLIGI KUNI

Xalq deputatlari Uzun tumani Kengashi mamlakatimizda istiqomat qilayotgan turli millat va elat vakillarini, barcha yurtdoshlarimizni Xalqlar do‘stligi kuni bilan samimiy muborakbod etadi!

Yurtimiz azaldan turli millat vakillari tinch-totuv, ahil va hamjihat yashab kelayotgan muqaddas zamin sifatida dunyoga tanilgan. Millatlararo totuvlik va bag‘rikenglik xalqimizning bebaho boyligi, davlatimiz barqarorligi va taraqqiyotining muhim omili hisoblanadi.

➡️Bugungi kunda Yangi O‘zbekistonda barcha millat va elat vakillarining tili, madaniyati, urf-odatlari va qadriyatlarini asrab-avaylash, ularning huquq va manfaatlarini ta’minlash davlat siyosatining ustuvor yo‘nalishlaridan biri bo‘lib xizmat qilmoqda.

➡️Uzun tumani ham asrlar davomida turli millat vakillarini birlashtirib kelayotgan do‘stlik va hamjihatlik maskani sifatida mamlakatimizda alohida o‘rin tutadi. Bugun tumanimizda yashovchi turli millat va elat vakillari yagona maqsad — Vatanimiz taraqqiyoti va xalqimiz farovonligi yo‘lida hamjihatlikda mehnat qilmoqda.

💠Xalqlar o‘rtasidagi do‘stlik, o‘zaro hurmat va hamkorlik muhiti mamlakatimiz ravnaqi, tinchligi va kelajak avlodlar baxtining mustahkam kafolatidir.

💠Ushbu qutlug‘ ayyomda barchangizga mustahkam sog‘liq, xonadonlaringizga tinchlik-osoyishtalik, yurtimizga esa doimiy barqarorlik, millatlararo totuvlik va taraqqiyot tilaymiz!

✅Xalqlar do‘stligi kuni muborak bo‘lsin!
Hurmat bilan,
Xalq deputatlari Uzun tumani Kengashi