19¹-modda

🏛 Sessiya qarori ijrosi o‘rganildi: Zarabog‘ mahallasida amalga oshirilayotgan loyiha nazorat qilindi

Xalq deputatlari Sherobod tumani Kengashi deputati, 2-Zarabog‘ saylov okrugi deputati X. Xojidinov tomonidan Zarabog‘ mahallasida deputatlik nazorati amalga oshirildi.

🔹 Nazorat tadbiri davomida Xalq deputatlari Sherobod tumani Kengashining 2026-yil 07-aprelda qabul qilingan VII-22-48-8-119-K/26-son "Sherobod tumanida 2026-yil 1-mavsum doirasida 11–20-mart kunlari O‘zbekiston Respublikasi “Ochiq budjet” portali orqali o‘tkazilgan ovoz berish yakunlariga ko‘ra g‘olib deb topilgan, eng ko‘p ovoz to‘plagan takliflarni “Fuqarolar tashabbusi jamg‘armasi” mablag‘lari hisobidan moliyalashtirish to‘g‘risida"gi qarori ijrosi yuzasidan amalga oshirilayotgan ishlar joyiga chiqib o‘rganildi.

🏗 Xususan, Zarabog‘ mahallasi hududidagi Shalqon–Zarabog‘ qishloqlari oralig‘idagi soyda mavsumiy oqib keluvchi sel suvlarini tartibga solish maqsadida qurilayotgan kichik suv havzasi qurilish ishlari bilan tanishildi.

📋 O‘rganish davomida obyektning qurilish jarayoni, amalga oshirilayotgan ishlarning sifati, loyiha talablariga muvofiqligi hamda belgilangan vazifalarning ijrosi ko‘zdan kechirildi.

✅ Deputatlik nazorati davomida aniqlangan masalalar yuzasidan mas’ullarga tegishli tavsiya va takliflar berilib, loyihani sifatli yakunlash hamda aholi manfaatlariga xizmat qiladigan obyektni foydalanishga topshirish muhimligi ta’kidlandi.