#deputat_soʻrovi #poytaxtdeputatlari #deputatlik_faoliyati

❗️Uchtepa tumanidagi bolalar maydonchasini rekonstruksiya qilish masalasi deputatlik so‘rovi orqali nazoratga olindi

🏛 Xalq deputatlari Toshkent shahar Kengashi deputati Ulug‘bek Ziyodullayev tomonidan Uchtepa tumani hokimi B.Mamadjanov nomiga deputatlik so‘rovi yuborildi.

📩 Deputatlik so‘rovi Uchtepa tumani “Chamanzor” mahallasi, Uchtepa ko‘chasi 90-uy oldida joylashgan bolalar maydonchasining holati yuzasidan avval yuborilgan murojaat va unga berilgan rasmiy javob ijrosini nazorat qilish maqsadida tayyorlandi.

🔎 Ma’lum qilinishicha, Uchtepa tumani hokimligining 2026-yil 11-fevraldagi 131-ds-424-25-sonli javob xatida mazkur bolalar maydonchasini ta’mirlash, hududni obodonlashtirish hamda zamonaviy va xavfsiz o‘yin elementlari bilan jihozlash ishlari 2026-yil Davlat dasturiga kiritilishi orqali amalga oshirilishi bildirilgan.

📝 Mazkur masala mahalla aholisining, ayniqsa bolalarning xavfsizligini ta’minlash, ularning bo‘sh vaqtini mazmunli tashkil etish hamda hudud infratuzilmasini yaxshilash nuqtai nazaridan muhim ahamiyat kasb etadi.

📝 Shu munosabat bilan deputat Ulug‘bek Ziyodullayev tomonidan “Xalq deputatlari viloyat, tuman va shahar Kengashi deputatining maqomi to‘g‘risida”gi Qonunning 5 va 8-moddalariga asosan Uchtepa tumani hokimi B.Mamadjanovdan:

🔺 mazkur bolalar maydonchasini rekonstruksiya qilish loyihasi 2026-yil Davlat dasturiga kiritilgan yoki kiritilmaganligi;

🔺 loyiha dasturga kiritilgan bo‘lsa, amalga oshirish muddatlari, ishlarning boshlanish va yakunlanish sanalari hamda mas’ul ijrochi tashkilotlar;

🔺 obyektni ta’mirlash va zamonaviy o‘yin elementlari bilan jihozlash bo‘yicha bugungi kunga qadar bajarilgan ishlar hamda kelgusidagi rejalarga oid asoslantirilgan ma’lumotlarni taqdim etish so‘raldi.

⏳ Deputatlik so‘rovida ko‘rib chiqish natijalari yuzasidan qonunchilikda belgilangan muddatda yozma javob taqdim etilishi so‘ralgan.

🗣 Mazkur masala deputat tomonidan nazoratga olingan.

📱 Telegram 📱 Instagram 📱 Facebook 📱 YouTube 🔎 E-kengash