Xalq deputatlari Parkent tumani Kengashiga 13-“Istiqbol” saylov okrugidan saylangan deputat Maxmudova Baxtinisa Zuxriddinovna tomonidan o‘zi saylangan hududdagi “Istiqbol” mahallasida hokim yordamchisi tomonidan aholini kambag‘allikdan chiqarish, bandligini ta’minlash hamda daromad manbalarini kengaytirish borasida amalga oshirilayotgan ishlar yuzasidan deputatlik nazorati doirasida o‘rganish olib borildi. O‘rganish davomida “Istiqbol” MFY hokim yordamchisi I.Mirkamolovning mazkur yo‘nalishdagi faoliyati yuzasidan hisoboti tinglanib, erishilgan natijalar va mavjud muammolar atroflicha tahlil qilindi.Tahlillar natijasida 8 nafar ishsiz fuqaroning bandligi ta’minlangani, yil boshidan buyon 8 nafar fuqaroga imtiyozli kredit ajratilgani qayd etildi.Deputat tomonidan mazkur yo‘nalishdagi ishlar samaradorligini yanada oshirish, ijtimoiy himoyaga muhtoj oilalarni qo‘llab-quvvatlash, aniqlangan kamchiliklarni bartaraf etish hamda belgilangan vazifalar ijrosi ustidan tizimli deputatlik nazoratini davom ettirish yuzasidan tegishli tavsiyalar berildi. Shuningdek, mahalla yettiligi bilan hudud aholisini qiynab kelayotgan masalalar muhokama qilinib, ularni bartaraf etish bo‘yicha taklif va tavsiyalar ishlab chiqildi.