Xalq deputatlari Zarbdor tuman Kengashining 2026-yil 29-yanvardagi qaroriga muvofiq, “Mustaqillik” MFY Furqat ko‘chasida nogironligi bo‘lgan fuqarolar uchun piyodalar yo‘lakchasi qurish maqsadida 72 mln 658 ming so‘m mablag‘ ajratilgan.

Mazkur masala yuzasidan Kengash kotibiyati mudiri, 10-Mustaqillik saylov okrugi deputati G.Xudoyarova hamda kotibiyat bosh mutaxassisi H.To‘rayev tomonidan joyiga chiqib o‘rganish olib borildi.

O‘rganish davomida aniqlanishicha, yo‘lakcha qurilishi rejalashtirilgan hududda ayrim fuqarolar tomonidan noqonuniy qurilmalar qurilgan bo‘lib, bu holat ishlarni boshlashga to‘sqinlik qilmoqda. Hozirda ushbu qurilmalarni bartaraf etish ishlari aholi tomonidan bosqichma-bosqich amalga oshirilmoqda.

Mazkur holat yuzasidan tegishli choralar ko‘rish uchun deputat so'rovi yuborish belgilandi.

Masala nazoratga olingan.