Xalq deputatlari Ishtixon tuman Kengashi kotibiyati mudiri N.Kiyamov hamda deputat M.Raximov tomonidan Sheyxlarkent mahallasida joylashgan ko‘p qavatli uylarda aholini issiq va sovuq suv bilan ta’minlash, elektr energiyasi hamda tabiiy gaz bilan bog‘liq masalalar o‘rganildi. Deputatlar mavjud holat bilan tanishib, ko‘p qavatli uylarda yashovchi fuqarolar bilan suhbatlar o‘tkazdilar.

Suhbat davomida aholining kommunal xizmatlar bilan bog‘liq murojaatlari va takliflari tinglandi. Ayrim mavjud muammolar yuzasidan tegishli tashkilotlarga yetkazish va ularni bartaraf etish bo‘yicha takliflar bildirildi.

Ta’kidlanganidek, aholini sifatli kommunal xizmatlar bilan ta’minlash ularning turmush sharoitini yaxshilashda muhim ahamiyat kasb etadi. Shu bois bu boradagi o‘rganish va nazorat ishlari deputatlar tomonidan davom ettirilishi qayd etildi.

Bizni ijtimoiy tarmoqlarda kuzating:

Telegramm (https://t.me/Ishtixon_tuman_Kengashi) | Web-sayt (https://kengash.gov.uz/ishtixon) | Facebook (https://www.facebook.com/share/1Aq9YsjUr2/) | Instagram (https://www.instagram.com/ishtixontumanikengashi?utm_source=qr&igsh=ZDZ4YjJvd3k3aGp2)