MUNOSABAT

Prezident Shavkat Mirziyoyevning Jizzax viloyatiga tashrifi hudud rivoji uchun katta ahamiyatga ega bo‘ldi. Tashrif davomida viloyatda amalga oshirilayotgan infratuzilma, qishloq xo‘jaligi, energetika va xizmat ko‘rsatish sohalaridagi yirik loyihalar ko‘zdan kechirildi. Yangi yo‘l o‘tkazgichlar va avtomobil yo‘llarining qurilishi transport qatnovini yengillashtirib, aholining kundalik hayotiga qulaylik yaratishi bilan alohida ahamiyat kasb etadi. Yangi korxonalar va loyihalar orqali ko‘plab ish o‘rinlari yaratilishi yoshlar bandligini oshirib, iqtisodiy faollikni jonlantiradi. Tashrif Jizzaxning investitsion jozibasini oshirib, viloyatning kelajakdagi barqaror va keng qamrovli taraqqiyotiga mustahkam zamin yaratmoqda. Umuman olganda, Prezidentning tashrifi Jizzax aholisi uchun ijobiy o‘zgarishlar va yangi imkoniyatlar eshigini ochadigan muhim voqea bo‘ldi.

Xalq deputatlari tuman Kengashi deputati Andayev Axmad