Xalq deputatlari Chinoz tumani Kengashi deputati Laziz O‘tkirov tomonidan Afg‘on mahallasida hokim yordamchilari tomonidan amalga oshirilayotgan ishlar samaradorligi o‘rganildi. 

Jumladan, aholini kambag‘allikdan chiqarish bo‘yicha amalga oshirilayotgan chora-tadbirlar, yoshlar yetakchisi faoliyati samaradorligi hamda yoshlar bandligi holati atroflicha tahlil qilindi.

O‘rganish jarayonida imtiyozli kreditlar ajratilgan xonadonlarga ham borildi. Loyihalar ijrosi, mablag‘lar maqsadli yo‘naltirilishi va oilalarning iqtisodiy ahvoli o‘rganilib, amaliy natijadorlikka erishish maqsadida tegishli tavsiyalar berildi.

Deputat tomonidan mas’ullarga belgilangan vazifalar ijrosini muntazam nazoratga olish va amaliy natijadorlikni yanada kuchaytirish bo‘yicha tavsiyalar berildi.