Xalq deputatlari Chinoz tumani Kengashi deputati Davron Teshaboyev Dehqonobod mahalla fuqarolar yig‘inida bo‘lib, mahalla yettiligi faoliyati bilan yaqindan tanishdi. 

Jumladan, hokim yordamchisi Z.Tursunaxmadov tomonidan amalga oshirilayotgan ishlar samaradorligi, aholini kambag‘allikdan chiqarish bo‘yicha olib borilayotgan chora-tadbirlari atroflicha o‘rganildi.

Shuningdek, mahalladagi yoshlar yetakchisi Sh.Salohiddinov yoshlar bilan ishlash yo‘nalishida amalga oshirilayotgan tadbirlar, ularning bandligi va faolligini oshirishga qaratilgan ishlar tahlil qilindi.

Ijtimoiy xodim J.Normatov tomonidan aholining ijtimoiy ehtiyojmand toifalariga ko‘rsatilayotgan xizmatlar sifati, kam ta’minlangan oilalarga ijtimoiy nafaqa va moddiy yordam tayinlash hamda to‘lash jarayonlari o‘rganib chiqildi.

Deputat D.Teshaboyev amalga oshirilayotgan ishlarni ijobiy baholab, ularni tizimli davom ettirish zarurligini ta’kidladi, aholi hayotini yaxshilashga qaratilgan sa’y-harakatlar doimiy kuzatilishini bildirdi.