DEPUTATLIK NAZORATI DOIRASIDA KAMBAG‘ALLIKNI QISQARTIRISH YUZASIDAN AMALGA OSHIRILGAN ISHLAR O‘RGANILDI.

O‘rganish jarayonida fuqarolarning ehtiyojlari, ularning daromad manbalarini kengaytirish, bandligini ta’minlash hamda iqtisodiy faolligini oshirishga oid takliflari tinglandi. Shuningdek, mahalla hududida mavjud bo‘sh ish o‘rinlari, kasb-hunar o‘qitish imkoniyatlari, tadbirkorlik faoliyatini yo‘lga qo‘yish uchun ajratilayotgan subsidiya va imtiyozli kreditlar ulashish jarayonlari bo‘yicha mas’ul tashkilot va xizmatlar rahbarlaridan tegishli ma’lumotlar olindi.

Mazkur o‘rganishlar Oʻzbekiston Respublikasi Oliy Majlisi Senati Kengashining “Kambagʻallikni qisqartirish boʻyicha belgilangan ustuvor vazifalarning bajarilishini nazorat qilish chora-tadbirlari toʻgʻrisida” 2024-yil 29-noyabrdagi KQ-6-V-son qarori ijrosini taʼminlash maqsadida amalga oshirildi. Qarorda belgilangan vazifalar ijrosi doirasida aholining ijtimoiy-iqtisodiy holatini yaxshilash, daromad manbalarini ko‘paytirish hamda ijtimoiy himoyaga muhtoj fuqarolarni qo‘llab-quvvatlash mexanizmlarining samaradorligini baholashga alohida eʼtibor qaratildi.

O‘rganish yakunida aniqlangan masalalarni hal etish, aholi ehtiyojlariga mos manzilli yordamlarni kengaytirish va mahallada iqtisodiy faollikni oshirishga qaratilgan qo‘shimcha chora-tadbirlarni belgilash bo‘yicha mas’ullarga tegishli topshiriqlar berildi.