Bugun
Kegeyli tumani hokimligida O‘zbekistonda kasaba uyushmalari faoliyatining 120
yilligi hamda "11-noyabr - O‘zbekiston kasaba uyushmalari kuni"
bayrami munosabati bilan O‘zbekiston davlat muassasalari va jamoat xizmati
xodimlari kasaba uyushmasi Kegeyli tumani Kengashi tarkibidagi boshlang‘ich
kasaba uyushmasi tashkiloti rahbarlari, kasaba uyushmasi faollari hamda
nuroniylar bilan uchrashuv bo‘lib o‘tdi. 

Uchrashuvda
O‘zbekiston davlat muassasalari va jamoat xizmati xodimlari kasaba uyushmasi
Kegeyli tumani Kengashi raisi U.Utegenov so‘zga chiqib, bugungi kunda
"Yangi O‘zbekiston"ni barpo etishda mamlakatimizda amalga
oshirilayotgan keng ko‘lamli islohotlarda barcha bo‘g‘indagi kasaba
uyushmalarining ishtiroki va tutgan o‘rni haqida keng tarzda so‘zlab berdi va
tadbir ishtirokchilarini bayram bilan samimiy tabrikladi.