Xalq deputatlari Pastdarg‘om tuman Kengashi deputati Bahodir Ochilov 2025-yilning uchinchi choragida amalga oshirgan faoliyati yuzasidan saylovchilar oldida axborot berdi

Uchrashuv ochiq muloqot tarzida o‘tkazilib, unda saylovchilar, mahalla faollari, ijtimoiy soha vakillari hamda yoshlar ishtirok etdilar. 

 Deputat o‘z so‘zida uchinchi chorakda okrug hududida amalga oshirilgan amaliy ishlar, fuqarolar murojaatlarini ko‘rib chiqish natijalarni taqdim etdi.

Deputat mahalla “yettiligi” bilan hamkorlikda ijtimoiy, iqtisodiy va maishiy masalalarni joyida hal etishda faol ishtirok etmoqda.

Deputat o‘z nutqida: “Deputatlik bu nafaqat qonunlar ustida ishlash, balki xalq bilan hamnafas bo‘lish, ularning ishonchini oqlashdir. Bu ishonch bizni har kuni yangi tashabbus va loyihalarni amalga oshirishga undaydi”, — deya ta’kidladi.

Uchrashuv yakunida saylovchilar tomonidan bildirilgan taklif va mulohazalar inobatga olinib, istiqboldagi rejalar belgilab olindi.