Xalq deputatlari Bekobod shahar kengashi Ekologik partiyasi deputatlik guruhi va shahar Ekologiya partiyasi kengashi bilan hamkorlikda O‘zbekiston Respublikasi Prezidentining 2025-yil 15-maydagi “2030 yilgacha bo‘lgan davrda aholining ekologik madaniyatini yuksaltirish konsepsiyasini tasdiqlash to‘g‘risida”gi PQ-184-sonli qarori asosida amalga oshirilayotgan ishlar tahlil etildi. Shahar kengashining deputatlari D.Vaxobjonov, M.Xoliqova aholining ekologik madaniyatini yuksaltirish, jamiyatda va har bir fuqaroning hayot faoliyatida ekologik ta’lim-tarbiya hamda madaniyatni uzluksiz yuksaltirib borish barqaror ekologik rivojlanishning muhim shartlaridan biri hisoblanishini ta’kidlab o‘tdilar. Shuningdek, shaharning ekologik holati va chiqindilarni tashish bilan bog‘liq holatlar ham muhokama etildi. Tadbir yakunida tegishli qarorlar qabul qilinib, ijrosi nazoratga olindi.