Xususan, tumandagi 165-sonli umum ta'lim maktabida "O‘zbek tili davlat tili maqomi berilgan kun" munosabati bilan bayram tadbiri bo‘lib o‘tdi. Tadbirda xalq deputatlari Olmazor tumani Kengashi deputati Umida Baxramova, o‘quvchilar, o‘qituvchilar hamda mahalla faollari ishtirok etdilar.

Bayram dasturida o‘quvchilar tomonidan o‘zbek tilining go‘zalligi, qadriyati va xalqimiz hayotidagi o‘rni haqida she’rlar, sahna ko‘rinishlari va qo‘shiqlar ijro etildi. Tadbir davomida o‘zbek tili taraqqiyoti va uni yanada rivojlantirish borasida amalga oshirilayotgan ishlar haqida so‘z yuritildi.

Tadbirda shuningdek, deputat tomonidan o‘quvchilarni va o‘qituvchilar jamoasini bayram bilan tabrikladi. U o‘z nutqida davlat tilini asrab-avaylash, yosh avlodda ona tiliga hurmat ruhini shakllantirish muhimligini ta’kidladi.

Bayram tadbiri ko‘tarinki ruhda o‘tdi va barchaga iliq taassurotlar qoldirdi.