📍 Xalq deputatlari Angren shahar Kengashi 2-Bog‘ okrugi deputati Nigmatov Mirzoferuz Obidjonovich “G‘afur G‘ulom” mahalla fuqarolar yig‘iniga tashrif buyurdi.

📌 Tashrifdan ko‘zlangan maqsad — mahalla hududidagi ichki yo‘lni ta’mirlash jarayonida olib borilayotgan hashar ishlarini o‘rganish va ularni deputatlik nazoratida olib borishdan iborat bo‘ldi.

🗣 Deputat jarayonni joyida ko‘zdan kechirib, ishlarning sifati va tashkil etilish tartibiga alohida e’tibor qaratdi. Mahalla raisi va faollar bilan suhbat davomida yo‘l ta’mirini tezkor va sifatli yakunlash, aholi uchun qulay sharoit yaratish bo‘yicha tavsiyalar berdi.

🌿 Aholi tashabbusi bilan amalga oshirilayotgan hashar ishlari mahallaning ichki yo‘llarini yaxshilash, piyoda va transport harakatini qulaylashtirishga xizmat qilmoqda.

✅ Dastlabki bosqichda yo‘lning notekis qismlari tekislanib, qum-shag‘al bilan mustahkamlash ishlari olib borilmoqda. Deputat tomonidan bu kabi ishlarni tizimli davom ettirish va barcha mahallalarda namunali holat yaratish zarurligi ta’kidlandi.