Xalq deputatlari Urganch shahar Kengashidagi O‘zLiDeP deputatlik guruhi a’zolari S.Masharipov hamda P.Ro‘ziboyevlar hududdagi ijtimoiy soha ob’ektlari (8-sonli, 10 va 11-sonli o‘rta umumta’lim maktablari hamda 37-sonli maktabgacha ta’lim muassasasi)ni kuz-qish mavsumiga tayyorgarlik jarayoni bilan tanishdilar.

Mavsumga tayyorgarlik jarayoni aslida Urganch shahar hokimi B.Radjapovning tashabbusi bilan shahar hokimligi qoshida tashkil etilgan «Yagona axborot-tahlil monitoring markazi» orqali ham masofadan turib kuzatiladi.

Shuningdek, markaz imkoniyatlaridan kelib chiqib, markazlashtirilgan tartibda ma’lumotlarni yig‘ish, tahlil qilish va aniqlangan muammolarni bartaraf etish bo‘yicha choralar ko‘rish hamda takliflar kiritish kabi ishlarni amalga oshiradi.

Biroq o‘rganishlar davomida markaz tomonidan kuzatishning imkoni bo‘lmagan muammoli holatlar (quvurlarning izolyatsya qilinmaganligi, texnika xavfsizligi qoidalari yuzasidan yo‘riqnoma mavjud emasligi, qozonxona tozaligi va qulayligi v.b) ko‘zdan kechirilib, ayrim muammolar joyida bartaraf etildi.