15-sentabr kuni Prezidentimiz Shavkat Mirziyoyev pedagoglar bilan bo‘lgan muloqotni oddiy yig‘ilish deb bo‘lmaydi. Nazarimda, bu - yurakdan yurakka o‘tgan, samimiy, hayotiy va motivatsion ruhda kechgan iliq suhbat edi. Prezidentimiz har bir o‘qituvchining ruhiy dunyosini, uning ichki kechinmalarini, mehnatining og‘ir va sharafli tomonlarini to‘liq anglab, teran munosabat bildirdi. Ayniqsa, "O‘qituvchi bolani qancha yaxshi ko‘rsa, bola ham shunchalik yaxshi inson bo‘lib voyaga yetadi", degan so‘zlari o‘qituvchilik kasbiga berilgan eng yuksak bahodir, desam mubolag‘a bo‘lmaydi. 

Ko‘plab ustozlar ushbu muloqotdan so‘ng darsga butunlay boshqa ruhda, katta ishtiyoq bilan qaytdi. Bu - faqat moddiy emas, aynan ma’naviy qo‘llab-quvvatlashdir. Demak, davlat rahbari pedagoglarga ularning orqasidan emas, yonidan yurib, bir safda ekanini ko‘rsatdi. O‘qituvchi o‘zini yolg‘iz emas, davlat suyangan inson deb his qilganida – charchoqni bilmaydi, darsni chin dildan o‘tadi. Xalq deputatlari shahar Kengashi deputati A.Ro‘ziyev