Jumladan, “Qorasaroy”, “Guruchariq” va “Chinniobod" mahalla fuqarolari uchun deputat ko‘magida sog‘liqni saqlash muassasalari va xalq deputatlari Olmazor tumani Kengashi kotibiyat mudiri D.Raxmatullayev bilan hamkorlikda chuqurlashtirilgan tibbiy ko‘rik tashkil etildi. Ushbu ko‘rik davomida terapevt, kardiolog, pediatr, oftalmolog va boshqa soha mutaxassislari tomonidan aholi bepul tibbiy ko‘rikdan o‘tkazilib, zarur hollarda chuqurlashtirilgan maslahatlar va davo choralari belgilandi. Ayniqsa, keksa yoshdagilar, ayollar va yoshlar salomatligiga alohida e’tibor qaratildi.

 Tibbiy ko‘rikdan tashqari, deputat T.Bobomuratov o‘z saylovchilari bilan ochiq muloqot shaklida uchrashuv o‘tkazdi. Unda deputat joriy faoliyati davomida amalga oshirilgan ishlar, yechim topgan muammolar hamda istiqboldagi rejalar haqida atroflicha axborot berdi. Saylovchilar o‘zlarini qiziqtirgan masalalar yuzasidan murojaat qilib, taklif va fikrlarini bildirdilar.

Uchrashuv yakunida bildirilgan muammolarni bartaraf etish bo‘yicha mas’ul tashkilotlar ishtirokida zarur choralar belgilandi. Deputat tomonidan barcha murojaatlar bo‘yicha deputatlik nazorati o‘rnatilishi ta’kidlandi.

️Mazkur tadbirlarga aholi vakillari tomonidan chuqur e’tirof va minnatdorchilik bildirilib, bunday amaliy yordam va tashabbuslar aholi farovonligini oshirishda muhim ahamiyat kasb etayotgani ta'kidlandi hamda ijtimoiy farovonligini ta’minlash, ularning huquq va manfaatlarini himoya qilish, sog‘lom turmush tarzini keng targ‘ib qilishga xizmat qiladi.