Qo‘shko‘pirda O‘zbek tili bayrami nishonlandi
Qo‘shko‘pir tumani Madaniyat markazida 21-oktabr — O‘zbek tili bayrami kuni munosabati bilan bayram tadbiri bo‘lib o‘tdi.
Unda tuman hokimi vazifasini bajaruvchi Sirajbek Azamatovich hamda tuman hokimi o‘rinbosari Xurmatbek Baxromovich ishtirok etdilar.
Tadbir davomida Xalq deputatlari Qo‘shko‘pir tumani Kengashi deputati Mehribon Tillayeva ham nutq so‘zlab, ona tilimizning milliy o‘zligimizni anglatishdagi o‘rni, ma’naviy merosimizni asrab-avaylash va davlat tiliga bo‘lgan hurmatni yanada yuksaltirishning ahamiyati haqida fikr bildirdi.
Tadbirning badiiy qismida yangragan ona tilimizni madh etuvchi kuy-qo‘shiqlar, she’rlar va sahna ko‘rinishlari ishtirokchilarga bayramona kayfiyat ulashib, o‘zbek tilining betakror jozibasi va boy imkoniyatlarini namoyon etdi.
Shuningdek, davlat tilini targ‘ib qilishdagi xizmatlari uchun bir guruh til fidoyilari tuman hokimligining tashakkurnomalari va esdalik sovg‘alari bilan taqdirlandilar.