Xalq deputatlari Yangiobod tuman Kengashi deputati Jamoliddin Yoqubov tomonidan hududdagi elektr ta’minoti infratuzilmasini yaxshilash va aholi xavfsizligini ta’minlash maqsadida navbatdagi deputatlik so‘rovi kiritildi.

Hududda o‘tkazilgan o‘rganishlar davomida Sarmich MFY, Yuqori Sarmich qishlog‘i To‘shguzar ko‘chasidagi elektr ta’minoti infratuzilmasining holati ko‘zdan kechirildi.

O‘rganish davomida ushbu ko‘chadagi elektr simyog‘ochlarining bir qismi ma’nan va jismonan eskirgani, yaroqsiz holatga kelib qolgani hamda ularni yangilash zarurati mavjudligi aniqlandi. Mazkur holat elektr ta’minoti barqarorligiga salbiy ta’sir ko‘rsatishi bilan birga aholi xavfsizligiga ham xavf solmoqda.

Shu munosabat bilan, 2026-yil 8-oktabrdagi 68-ds-457-26-sonli deputatlik so‘rovi Yangiobod tuman elektr tarmoqlari ta’minoti bo‘limi boshlig‘i Sh. Rizzayevga yo‘llandi.

Deputat so‘rovida To‘shguzar ko‘chasidagi eskirgan va yaroqsiz elektr simyog‘ochlarini joyiga chiqqan holda texnik ko‘rikdan o‘tkazish, ularni yangi beton ustunlarga almashtirish hamda elektr tarmoqlarini tartibga keltirish choralarini ko‘rish so‘ralgan.