Yo‘l harakati xavfsizligi — doimiy e’tiborda
Xalq deputatlari Pastdarg‘om tumani Kengashining Korrupsiyaga qarshi kurashish va xavfsizlik masalalari bo‘yicha doimiy komissiyasi hamda biriktirilgan tashkilotlar o‘rtasidagi hamkorlik doirasida yo‘l harakati xavfsizligini ta’minlash masalalari muhokama qilindi.
📌 Kengash deputati M. Pardayev tuman Yo‘l-patrul xizmati (YPX) xodimi bilan suhbat o‘tkazib, hududda yo‘llarda harakat xavfsizligini ta’minlash, yo‘l-transport hodisalarining oldini olish hamda fuqarolar, ayniqsa, yoshlar o‘rtasida yo‘l harakati qoidalariga rioya etish masalalarini muhokama qildi.
👦👧 Suhbat davomida bolalarning ko‘chalarda to‘g‘ri va xavfsiz harakatlanishi, piyodalar yo‘laklaridan foydalanishi, yo‘lni belgilangan joylardan kesib o‘tishi hamda maktab o‘quvchilarining turli transport vositalaridan foydalanishida yuzaga kelayotgan muammolar haqida fikr almashildi.
🗣 Deputat tomonidan o‘quvchilar o‘rtasida yo‘l harakati qoidalariga rioya etish madaniyatini oshirish, profilaktik tushuntirish ishlarini kuchaytirish va mavjud muammolarni hamkorlikda bartaraf etish bo‘yicha takliflar bildirildi.
🤝 Doimiy komissiya va biriktirilgan tashkilotlar o‘rtasidagi bunday hamkorlik hududda xavfsizlikni ta’minlash, mavjud muammolarni aniqlash va ularning amaliy yechimini topishda muhim ahamiyat kasb etadi.
🇺🇿Rasmiy sahifalarimiz! ✔️