#tuman_hokimi
Nurobod tumani Amir Temur massivida Soliyev Dilshod rahbarligidagi fermer xo‘jaligida zamonaviy texnologiyalarni qo‘llagan holda g‘alla ekish ishlariga bag‘ishlangan amaliy seminar tashkil etildi.

Seminarda tuman hokimi Maxsud Buranov, sektor rahbarlari hamda qishloq xo‘jaligi sohasi mutasaddilari ishtirok etdi.

Tadbir davomida g‘alla ekish jarayonida zamonaviy agrotexnologiyalardan foydalanish, yerga sifatli ishlov berish, urug‘likni belgilangan me’yorlar asosida ekish hamda hosildorlikni oshirish masalalariga alohida e’tibor qaratildi.

Shuningdek, ilg‘or tajribalarni ommalashtirish, agrotexnik tadbirlarni o‘z vaqtida va sifatli bajarish, mavjud imkoniyatlardan samarali foydalanish orqali yuqori hosil olish yuzasidan fikr va mulohazalar bildirildi.

Bunday amaliy seminarlar fermer xo‘jaliklari faoliyatida zamonaviy yondashuvlarni keng joriy etish, tajriba almashish va g‘allachilikda samaradorlikni oshirishga xizmat qiladi.