MAKTAB KUTUBXONASI HOLATI O‘RGANILDI

Xalq deputatlari Oqoltin tumani Kengashi raisi Sh.Eshbayev hamda Oqoltin tumani hokimining maslahatchisi D.Mardiyev tomonidan Andijon mahallasi hududida joylashgan 7-sonli umumta’lim maktabi kutubxonasining holati o‘rganildi.

O‘rganish davomida kutubxonadagi mavjud shart-sharoitlar, kitob fondi hamda o‘quvchilarning adabiyotlardan foydalanish imkoniyatlariga e’tibor qaratildi.

Shuningdek, o‘quvchilarning kitobxonlik madaniyatini oshirish, kutubxona faoliyatini yanada rivojlantirish va zarur shart-sharoitlarni yaxshilash masalalari yuzasidan fikr almashildi.