“Barkamol avlod” kichik sanoat zonasida tadbirkorlik faoliyati o‘rganildi

Xalq deputatlari Namangan shahar Kengashi Kotibiyati mudiri
N. Ubaydullayev, Kotibiyat bosh mutaxassislari A. Nurmatov va
M. Abdulmajidov tomonidan “Barkamol avlod” kichik sanoat zonasida faoliyat yuritayotgan tadbirkorlik subyektlarining faoliyati bilan yaqindan tanishildi.

O‘rganish davomida ishlab chiqarish va xizmat ko‘rsatish yo‘nalishlaridagi mavjud imkoniyatlar, tadbirkorlik faoliyatini kengaytirish, yangi loyihalarni amalga oshirish hamda qo‘shimcha ish o‘rinlarini yaratish imkoniyatlari yuzasidan fikr almashildi.

Shuningdek, kichik sanoat zonasida faoliyat yuritayotgan tadbirkorlar ishtirokida aholi bandligini ta’minlash, ishsiz fuqarolarni doimiy daromad manbalariga yo‘naltirish, yangi ish o‘rinlarini tashkil etish masalalariga bag‘ishlangan davra suhbati o‘tkazildi.

Mazkur faoliyat mahalliy Kengash deputatlari faoliyatining 24 talik tavsiyalaridagi aholi bandligini ta’minlash, tadbirkorlikni rivojlantirish va kambag‘allikni qisqartirishga qaratilgan yo‘nalishlar asosida tashkil etildi.

Mahallalarda tadbirkorlikni rivojlantirish va aholining bandligini ta’minlash masalalari amaliy jihatdan o‘rganilishi belgilangan vazifalar qatoriga kiradi.

O‘rganish jarayonida Kengashning doimiy komissiyalari kesimidagi qonunlar taqsimotidan tadbirkorlik faoliyati, aholi bandligi va fuqarolarning mehnat huquqlariga oid qonunchilik hujjatlari talablari ham e’tiborga olindi.

Yakunida mavjud imkoniyatlardan samarali foydalanish, tadbirkorlik subyektlari faoliyatini kengaytirish orqali yangi ish o‘rinlarini yaratish va aholi bandligini oshirish yuzasidan tegishli takliflar shakllantirildi.