Xalq deputatlari Qo‘qon shahar Kengashi deputati J.Xusanov tomonidan “Qaymoqli guzar” mahalla fuqarolar yig‘ini Muqimiy ko‘chasida mahalla raisi bilan birgalikda ko‘cha holatini o‘rganish ishlari olib borildi.

O‘rganish davomida ko‘chada yashovchi aholi vakillari bilan ochiq muloqot o‘tkazilib, fuqarolarning kundalik hayotida uchrayotgan muammolar, hududdagi mavjud masalalar hamda ularni hal etish bo‘yicha fikr va takliflari tinglandi.

Shuningdek, suhbat davomida “Mahalla yettiligi”ning aholi bilan ishlash faoliyati, fuqarolar murojaatlarini o‘rganish, ehtiyojmand oilalarni aniqlash, mavjud muammolarni tegishli tashkilotlarga yetkazish hamda ularning ijrosini nazorat qilib borish masalalari yuzasidan fikr almashildi.

Aholi vakillari tomonidan ko‘tarilgan masalalar deputat va mahalla raisi tomonidan tinglanib, ularni o‘rganish hamda amaldagi tartib asosida hal etish imkoniyatlari muhokama qilindi.

O‘rganish yakunida aniqlangan masalalar yuzasidan tegishli tashkilotlar bilan hamkorlik qilish, fuqarolar murojaatlarini e’tiborsiz qoldirmaslik va ularni bosqichma-bosqich hal etish bo‘yicha tegishli ishlarni davom ettirish belgilandi.

Xalq deputatlari Qo‘qon shahar Kengashi