5-SONLI MAKTABGACHA TA’LIM TASHKILOTI FAOLIYATI O‘RGANILDI

Xalq deputatlari Namangan shahar Kengashi raisi R. Isakov, Kengash kotibiyati mudiri N. Ubaydullayev, Kengash kotibiyati bosh mutaxassislari A. Nurmatov va M. Abdulmajidov hamda shahar Kengashi deputati M. Xojiyeva tomonidan 5-sonli davlat maktabgacha ta’lim tashkiloti faoliyati bilan tanishildi.

O‘rganish davomida maktabgacha ta’lim tashkilotining ichki va tashqi holati, tarbiyalanuvchilar uchun yaratilgan shart-sharoitlar, guruh xonalari hamda sanitariya-maishiy sharoitlar ko‘zdan kechirildi.

Shuningdek, binoning ichki va tashqi ta’mirtalab holatlari, ayrim xonalarda pol qismini yangilash zarurati hamda aniqlangan boshqa kamchiliklar muhokama qilindi.

Mazkur masalalarni bartaraf etish, ta’lim tashkilotida bolalar uchun yanada qulay va xavfsiz sharoitlarni yaratish bo‘yicha mas’ullarga tegishli topshiriqlar berildi.

Aniqlangan kamchiliklarni bartaraf etish bo‘yicha belgilangan vazifalarning ijrosi deputatlik nazoratiga olindi.

O‘rganish jarayonida Kengashning doimiy komissiyalari kesimidagi qonunlar taqsimotidan “Maktabgacha ta’lim va tarbiya to‘g‘risida”gi O‘zbekiston Respublikasi Qonuni,
O‘RQ-595-son, 2019-yil 16-dekabr hamda sohaga oid boshqa qonunchilik hujjatlari talablari o‘rganildi. Mazkur qonun maktabgacha ta’lim va tarbiya sohasidagi munosabatlarni tartibga soladi.