Xalıq deputatları Taxtakópir rayonlıq Keńesine ÓzLiDEP partıyasınan deputat Nurǵabulov Qurmanǵazı Saparovich, Ózbekstan Respublikası Prezidentiniń 2026-jıl 5-fevraldaǵı 49-sanlı qararına muwapıq "awır máhálle" kategoriyasına kirgizilgen " Beltaw " APJ aymaǵında alıp barılıp atırǵan qurılıs ońlaw jumısları barısı menen tanıstı. Atap aytqanda, búgingi kúnde "Beltaw" APJ aymaǵındaǵı 167 shańaraqtıń qıytaq jerin suw menen támiyinlew maqsetinde 1,5 km jańadan jap qazıw jumısları ámelge asırılmaqta. Jańadan qazılıp atırǵan jap-salmalardan qıytaq jerlerin suw menen támiyinlew olardıń jerlerinen jıl dawamında nátiyjeli paydalanıwına hám shańaraq byudjetine qosımsha kiris alıp keliwine imkaniyat jaratadı.