🔰#munosabat

Ko‘ksaroy qarorgohidagi bugungi uchrashuv — yurtimiz shaxmatining xalqaro maydondagi yuksak natijalariga berilayotgan e’tiborning yorqin ifodasidir.
46-Butunjahon shaxmat olimpiadasida O‘zbekiston terma jamoasining tarixiy g‘alabasi xalqimiz uchun katta quvonch bo‘ldi. Jamoamiz 200 dan ziyod mamlakat vakillari qatnashgan nufuzli musobaqada yuksak mahorat, iroda va tafakkurni namoyon etdi.
Ayniqsa, shaxmatchilarimizning davlatimiz rahbari tomonidan munosib e’tirof etilgani, g‘oliblar va ularning murabbiylari davlat mukofotlari bilan taqdirlangani yosh avlod uchun ham katta rag‘batdir.
Bugungi yutuqlar shuni ko‘rsatadiki, bilim, intellekt va mehnat bilan dunyo miqyosida katta natijalarga erishish mumkin. Yoshlarimizning shaxmatga bo‘lgan qiziqishini yanada oshirish, ularning iste’dodini qo‘llab-quvvatlash kelajakdagi yangi g‘alabalar uchun muhim zamin yaratadi.
🏆 G‘alabalaringiz muborak bo‘lsin, aziz shaxmatchilar! Yangi zafarlar sari olg‘a!

Latofat Behbudova,
Xalq deputatlari Jondor tumani Kengashi raisi,


🇺🇿Xalq deputatlari Jondor tumani Kengashining ijtimoiy tarmoqlardagi sahifalarini kuzatib boring!👇👇👇
👉Telegram ▶️Youtube 📷Instagram 🗳Facebook🌐 Veb-sayt