#deputat_faoliyati

Ijtimoiy himoya reyestridagi fuqarolar uchun bepul tibbiy ko‘rik tashkil etildi

Xalq deputatlari Jondor tumani Kengashi raisi L. Behbudova hamda tuman Kengashi kotibiyati mudiri I. Xolov hamkorligida “Pochchoyi” mahallasida Ijtimoiy himoya reyestriga kiritilgan fuqarolar uchun bepul tibbiy ko‘rik tashkil etildi.
Tadbir davomida fuqarolarning salomatlik holati tibbiyot xodimlari tomonidan ko‘rikdan o‘tkazilib, zarur tibbiy tavsiyalar berildi. Shuningdek, sog‘liq bilan bog‘liq murojaatlar tinglanib, fuqarolarga tegishli yo‘nalishlar bo‘yicha tushuntirishlar berildi.
Aholining, ayniqsa, ijtimoiy ko‘makka muhtoj fuqarolarning salomatligini muhofaza qilish, ularga tibbiy xizmatlardan foydalanish imkoniyatlarini kengaytirish hamda muammolarini o‘z vaqtida aniqlash va hal etish masalalariga alohida e’tibor qaratildi.
Mazkur kabi tadbirlar aholining ijtimoiy himoyasini kuchaytirish, fuqarolarning murojaatlarini joyida o‘rganish hamda ularga amaliy ko‘mak ko‘rsatishda muhim ahamiyat kasb etadi.

Xalq deputatlari Jondor tumani Kengashining ijtimoiy tarmoqlardagi sahifalarini kuzatib boring!👇👇👇
👉Telegram ▶️Youtube 📷Instagram 🗳Facebook🌐 Veb-sayt