Bozorlarda oziq-ovqat mahsulotlari narxlari o‘rganildi

Xalq deputatlari O‘rta Chirchiq tumani Kengashi kotibiyati mudiri B.Baxovadinov hamda O‘rtasaroy MFY xotin-qizlar faoli hamkorligida O‘rtasaroy mahalla fuqarolar yig‘ini hududida joylashgan bozorlarda o‘rganish ishlari olib borildi.

O‘rganish davomida aholi iste’moli uchun eng zarur bo‘lgan oziq-ovqat mahsulotlarining mavjudligi, narx-navosi hamda aholiga qulay shartlarda taklif etilayotgani holati ko‘zdan kechirildi.

Kundalik ehtiyoj uchun zarur bo‘lgan asosiy mahsulotlar, jumladan, un, yog‘, guruch, shakar, go‘sht va boshqa mahsulotlarning chakana narxlari tahlil qilindi.

O‘rganish jarayonida aniqlangan holatlar yuzasidan tegishli ma’lumotlar jamlanib, aholini zarur iste’mol mahsulotlari bilan ta’minlash, narxlarning asossiz oshib ketishining oldini olish hamda bozorlarda barqarorlikni ta’minlash masalalariga alohida e’tibor qaratildi.

✅Xalq deputatlari O'rta Chirchiq tuman Kengashi kotibiyati axborot xizmati!