➡️ Sessiya kun tartibida hududning ijtimoiy-iqtisodiy rivojlanishi hamda aholi farovonligini oshirishga qaratilgan 11 ta muhim masala ko‘rib chiqildi. Xususan, to‘qimachilik va mashinasozlik yo‘nalishlarida to‘liq zanjirli ishlab chiqarishni kengaytirish, tashqi reklama va axborot obyektlarini o‘rnatish chizmalari loyihalarini ma’qullash hamda So‘x GES qurilishi va Davlat chegarasi ichki qismida muhandislik inshootlarini barpo etish uchun yer uchastkalarini kompensatsiya evaziga olib qo‘yish masalalari muhokama qilindi.

📌 Shuningdek, “O‘zbekistonda energiya samaradorligi va toza energiya loyihasi” konsepsiyasi, o‘zboshimchalik bilan egallab olingan yerlar va qurilmalarga bo‘lgan huquqlarni e’tirof etish, “Yashil makon” umummilliy loyihasi doirasidagi ustuvor vazifalar, qishloq xo‘jaligi yerlariga nobudgarchilik kompensatsiya mablag‘laridan maqsadli foydalanish, Farg‘ona shahridagi “Baqay” sanoat zonasi chegaralarini o‘zgartirish hamda viloyat prokuraturasi taqdimnomasi kabi masalalar ko‘rib chiqildi.

✔️ Sessiyada bildirilgan barcha masalalar deputatlar tomonidan atroflicha muhokama qilinib, tegishli qarorlar qabul qilindi.