Xo‘jaqo‘rg‘on MFYda ijtimoiy himoyaga muhtoj fuqarolar holati o‘rganildi 

Xalq deputatlari Oltiariq tuman Kengashi deputati R. Uzaqov tomonidan Xo‘jaqo‘rg‘on MFYda mahalla yettiligi bilan o‘tkazilgan uchrashuv davomida ijtimoiy xodim tomonidan mahalladagi ijtimoiy himoyaga muhtoj fuqarolar holati yuzasidan
ma’lumot berildi. Ma’lumotlarga ko‘ra, mahallada 44 nafar nogironligi bo‘lgan shaxs istiqomat qiladi. Ularning 5 nafari I guruh, 39 nafari II guruh nogironligi bo‘lgan fuqarolardan iborat. Shuningdek, mahallada 8 nafar boquvchisini yo‘qotgan fuqaro mavjudligi qayd etildi. Uchrashuvda ijtimoiy himoyaga muhtoj fuqarolar bilan manzilli ishlash, ularning mavjud ehtiyojlarini o‘rganish, ijtimoiy xizmat va ko‘makka muhtoj fuqarolarga amaliy yordam ko‘rsatish masalalariga alohida e’tibor qaratildi. Ijtimoiy xodim tomonidan fuqarolarning muammolarini o‘z vaqtida aniqlash, tegishli tashkilotlar bilan hamkorlikda
ularni hal etish hamda ijtimoiy xizmatlardan foydalanish imkoniyatlarini kengaytirish bo‘yicha amalga oshirilayotgan ishlar haqida ham ma’lumot berildi.