Sarmich mahallasida kambag‘al oilalarni ish bilan ta’minlash masalasi muhokama qilindi

Xalq deputatlari Yangiobod tuman Kengashi deputati S. Xojiyev tomonidan Sarmich mahallasida aholini kambag‘allikdan chiqarish, kambag‘al oilalar bandligini ta’minlash hamda ularni doimiy daromad manbaiga ega qilish bo‘yicha amalga oshirilayotgan ishlar muhokama qilindi.

Uchrashuvda tuman Mahallalar uyushmasi raisi I. Fayziboyev bilan birgalikda kambag‘al oilalarni ish bilan ta’minlashning amaliy mexanizmlari ko‘rib chiqildi.

🌱 Xususan, kambag‘al oilalarni hududdagi mavjud bo‘sh ish o‘rinlariga jalb etish, mehnat qilish orqali barqaror daromad topish imkoniyatlarini kengaytirish masalalariga alohida e’tibor qaratildi.

📌 Muhokamalar davomida har bir oilaning imkoniyati va ehtiyojidan kelib chiqib, ularni ish bilan ta’minlash, daromad manbalarini yaratish hamda kambag‘allikdan chiqarish bo‘yicha aniq va amaliy choralarni belgilash zarurligi ta’kidlandi.

🔎 Shuningdek, amalga oshiriladigan ishlarning natijadorligini muntazam o‘rganish, bandligi ta’minlangan oilalarning holatini kuzatib borish va mavjud muammolarni joyida bartaraf etish masalalari ham ko‘rib chiqildi.

✅ Kambag‘allikni qisqartirish — faqat yordam berish emas, avvalo insonni doimiy daromad manbaiga ega qilishdir.