“Ochiq budjet” loyihalari bo‘yicha o‘rganish o‘tkazildi
Xalq deputatlari Zafarobod tumani Kengashining Mahalliy budjet, tadbirkorlikni rivojlantirish va iqtisodiy islohotlar bo‘yicha doimiy komissiyasi hamda tuman iqtisodiyot va moliya bo‘limi boshlig‘ining birinchi o‘rinbosari Sh.M. Karabaev ishtirokida navbatdagi Kengash sessiyasi kun tartibiga kiritilgan masala yuzasidan dastlabki o‘rganish o‘tkazildi.
O‘rganish davomida «Ochiq budjet» axborot portalida ovoz berish natijasida g‘olib bo‘lgan tashabbuslarni amalga oshirish uchun “Fuqarolar tashabbusi jamg‘armasi” mablag‘larini yo‘naltirish masalasi ko‘rib chiqildi.
Mazkur o‘rganish “Mahalliy davlat hokimiyati to‘g‘risida”gi Qonunning 19¹-moddasiga muvofiq amalga oshirildi.