Aholi muammolarini joyida o‘rganish, ularga tezkor hamda samarali yechim topish — deputatlik faoliyatining ustuvor yo‘nalishlaridan biridir.
Bugun Olmaliq shahridagi 8-sonli umumta’lim maktabida Xalq deputatlari Olmaliq shahar Kengashining:
14-okrug deputati Abdumajid Shodiyev,
15-okrug deputati Ravshan Siddikovlarning Kotibiyatdan biriktirilgan vakili Sevar Qodirova,
1-okrug deputati Faxriddin Matasimovlar hamkorligida saylovchilar bilan navbatdagi ochiq muloqot tashkil etildi.

Uchrashuvda shahrimizdagi "Terakli", "Abdulla Qodiriy", "Namuna" va "So‘fi Olloyor" mahalla fuqarolari, shuningdek, shahardagi tegishli korxona va tashkilotlar mas’ullari hamda "Mahalla yettiligi" vakillari faol ishtirok etishdi.

Ochiq va samimiy ruhda o‘tgan uchrashuv davomida hudud aholisidan:
Ichki yo‘llarni asfaltlash va ta'mirlash;
Mahalla hududlarini obodonlashtirish hamda infratuzilmani yaxshilash kabi hayotiy masalalar yuzasidan murojaatlar tinglandi.
Barcha bildirilgan murojaatlar deputatlar va soha mas’ullari tomonidan atroflicha o‘rganilib, ularning aksariyati joyida o‘z yechimini topdi. Qo‘shimcha vaqt hamda o‘rganish talab etadigan masalalar esa deputatlik nazoratiga olinib, tegishli tashkilotlarga topshiriqlar berildi.
Aholi bilan doimiy muloqot qilish, ularni qiynayotgan muammolarga befarq bo‘lmaslik va hududlarni obod qilish borasidagi amaliy ishlar izchil davom ettiriladi.