Xalq deputatlari Bo‘stonliq tumani Kengashning 2026-yilga mo‘ljallangan ish rejasiga muvofiq O‘zbekiston “Milliy tiklanish” demokratik partiyasida saylangan deputat M.Aynashova tomonidan tumanning “Pargos” mahallasiga joylashgan 9-sonli umumta’lim maktabida o‘quvchi yoshlar uchun yaratilgan sport va sog‘lom turmush tarziga oid shart-sharoitlar deputatlik nazorati tartibida o‘rganildi.

🔺O‘rganish jarayonida maktabdagi sport zallarining umumiy holati, ularning o‘quvchilarning jismoniy tarbiya va sport bilan muntazam shug‘ullanishi uchun mosligi, mavjud sport anjomlari va jihozlarining soni, sifati hamda foydalanish holatiga alohida e’tibor qaratildi.

🔺Shuningdek, sport zallarida o‘quvchilar uchun xavfsiz va qulay mashg‘ulot muhitini yaratish, sport anjomlaridan samarali foydalanish, ularni yangilash va zarur jihozlar bilan to‘ldirish masalalari ham ko‘rib chiqildi.

🔺O‘rganish davomida aniqlangan holatlar tahlil qilinib, mavjud muammolarni bartaraf etish, sport zallarining moddiy-texnik bazasini mustahkamlash hamda o‘quvchilarning sport bilan muntazam shug‘ullanishi uchun yanada qulay imkoniyatlar yaratish yuzasidan tegishli taklif va tavsiyalar bildirildi.