Bugun Bekobod tumanining Yangi O‘zbekiston massivida "MAXGREEN" MCHJ tomonidan barpo etiladigan zamonaviy tekstil va mebel fabrikasi qurilishiga tantanali ravishda tamal toshi qo‘yildi.

Tadbirda tuman hokimi, Xalq deputatlari Bekobod tumani Kengashi deputati Z.Nizomiddinov, Xalq deputatlari Bekobod tumani Kengashi raisi Y.Mo‘minova, deputatlar, tegishli idora va tashkilotlar rahbarlari hamda jamoatchilik vakillari ishtirok etdilar.

1 gektar maydonda bunyod etiladigan mazkur korxona ishga tushirilgach, 500 ta yangi ish o‘rni yaratiladi. Loyiha hududning sanoat salohiyatini oshirish, aholi bandligini ta’minlash va iqtisodiy taraqqiyotga xizmat qiladi.