👨‍🦽Xalq deputatlari Chilonzor tumani Kengashi deputati Nazirov Madaminjon Ma'rufjon o‘g‘li Kengash haftalik rejasiga asosan hamda Mahalliy Kengash deputati faoliyatining ustuvor yo‘nalishlari doirasida Naqqoshlik mahallasida nogironligi bo‘lgan shaxslarga davlat tomonidan belgilangan imtiyoz va ijtimoiy qo‘llab-quvvatlash choralarining amalda to‘g‘ri qo‘llanilishi holatini o‘rgandi.

💬O‘rganish jarayonida nogironligi bo‘lgan fuqarolarga ko‘rsatilayotgan ijtimoiy xizmatlar sifati, ularga ajratilayotgan imtiyozlardan foydalanish holati, murojaatlarning o‘z vaqtida ko‘rib chiqilishi hamda mavjud muammolar yuzasidan mas'ul tashkilotlar faoliyati tahlil qilindi. Shuningdek, fuqarolar bilan ochiq muloqot o‘tkazilib, ularning taklif va murojaatlari tinglandi.

Deputat tomonidan aniqlangan masalalar yuzasidan tegishli mutasaddi tashkilotlarga qonunchilik doirasida zarur tavsiyalar va deputatlik nazorati choralari belgilandi. Ta'kidlanganidek, nogironligi bo‘lgan shaxslarning huquq va qonuniy manfaatlarini ta'minlash, ularga yaratilayotgan imkoniyatlardan to‘liq va adolatli foydalanishini nazorat qilish deputatlik faoliyatining muhim yo‘nalishlaridan biri hisoblanadi.

✅Uchrashuv yakunida fuqarolar o‘z murojaatlariga e'tibor qaratilgani, mavjud muammolarni hal etish yuzasidan amaliy choralar ko‘rilayotganidan mamnun ekanliklarini bildirib, deputat faoliyatiga ijobiy baho berdilar.