Xalq deputatlari Nurobod tumani Kengashi deputati N.Norqorayev tomonidan tumandagi 20-Ag‘ron saylov okrugi hududida joylashgan Ag‘ron oilaviy shifokorlik punkti faoliyati yuzasidan o‘rganish ishlari olib borildi.

➡️Mazkur o‘rganish Xalq deputatlari Nurobod tumani Kengashining navbatdagi sessiyasi kun tartibiga kiritilgan Nurobod tumani Sog‘liqni saqlash bo‘limi boshlig‘i A.Abiyevning hisobotini har tomonlama va xolis baholash maqsadida tashkil etildi.

➡️O‘rganish davomida oilaviy shifokorlik punktida aholiga ko‘rsatilayotgan birlamchi tibbiy xizmatlar sifati, tibbiyot xodimlarining faoliyati, dori vositalari va tibbiy buyumlar bilan ta’minlanganlik holati, tibbiy jihozlardan foydalanish samaradorligi hamda fuqarolar uchun yaratilgan shart-sharoitlar o‘rganildi.

➡️Shuningdek, muassasa faoliyatida mavjud holatlar tahlil qilinib, aniqlangan masalalar yuzasidan tegishli tavsiya va takliflar ishlab chiqildi. O‘rganish natijalari navbatdagi sessiyada ko‘rib chiqiladigan hisobotni xolis baholash hamda sohaga oid mavjud muammolarni bartaraf etish bo‘yicha zarur choralarni belgilashda muhim asos bo‘lib xizmat qiladi.