Xalq deputatlari Chilonzor tuman Kengashi kotibiyati mudiri Murotova Lola Ne'matjon qizi tomonidan deputatlarning 2026-yil II choragi davomida saylovchilar oldida o‘z faoliyati yuzasidan hisobot berish uchrashuvlarini tashkil etishga oid qaror mazmuni haqida batafsil axborot berildi.

Qayd etilganidek, mazkur qaror bilan deputatlarning saylovchilar bilan hisobot uchrashuvlarini belgilangan muddatlarda o‘tkazish reja-jadvali tasdiqlanib, uchrashuvlarni yuqori saviyada tashkil etish, ularni o‘tkazish tartibi, mas’ul tashkilot va idoralarning vazifalari hamda o‘zaro hamkorlik mexanizmlari belgilab berilgan.

Shuningdek, hisobot uchrashuvlari haqida fuqarolarni oldindan xabardor qilish, deputatlarning aholi bilan ochiq va bevosita muloqotini ta’minlash, saylovchilar tomonidan ko‘tarilayotgan muammo va takliflarni atroflicha o‘rganish hamda ularning yechimi yuzasidan tegishli choralarni ko‘rish muhim vazifalardan biri ekani ta’kidlandi.

Ta’kidlanganidek, mazkur hisobot uchrashuvlari deputatlarining faoliyati ochiqligi va shaffofligini ta’minlash, aholi bilan doimiy muloqotni rivojlantirish hamda hududlarni ijtimoiy-iqtisodiy rivojlantirishga qaratilgan taklif va tashabbuslarni shakllantirishda muhim ahamiyat kasb etadi.