Xalq deputatlari viloyat Kengashi deputati G.Bobojonova tomonidan Mingbuloq mahallasida joylashgan oilaviy shifokorlik punktiga tashrif amalga oshirildi. Tashrif davomida muassasada aholiga ko‘rsatilayotgan birlamchi tibbiy xizmat sifati, mavjud shart-sharoitlar, tibbiy jihozlar bilan ta’minlanganlik darajasi, dori-darmon ta’minoti hamda tibbiyot xodimlari uchun yaratilgan mehnat sharoitlari atroflicha o‘rganildi. Shuningdek, deputat tibbiyot muassasasi rahbariyati va xodimlari bilan muloqot qilib, ularning faoliyati davomida yuzaga kelayotgan muammo va takliflarini tingladi. Aholiga sifatli va o‘z vaqtida tibbiy xizmat ko‘rsatishni yanada takomillashtirish, mavjud kamchiliklarni bartaraf etish hamda sohada amalga oshirilayotgan islohotlarning samaradorligini oshirish yuzasidan fikr almashildi. Tashrif yakunida aniqlangan masalalarni qonunchilik doirasida hal etish, mutasaddi tashkilotlar bilan hamkorlikda zarur chora-tadbirlarni amalga oshirish bo‘yicha tegishli tavsiya va topshiriqlar berildi.