Xalq deputatlari Dehqonobod tuman Kengashi kotibiyati mudiri G‘. Xo‘jamqulov tomonidan 17-Ayridevol saylov okrugi hududida joylashgan Do‘stlik mahallasida yoshlar yetakchisi tomonidan amalga oshirilayotgan ishlar joyiga chiqib o‘rganildi.

O‘rganish davomida mahallada yoshlar bandligini ta’minlash, ularni kasb-hunarga yo‘naltirish, tadbirkorlikka jalb etish, bo‘sh vaqtini mazmunli tashkil etish hamda “Dolzarb 90 kun” dasturi doirasida amalga oshirilayotgan tadbirlarning samaradorligi atroflicha tahlil qilindi.

Shuningdek, yoshlar yetakchisi tomonidan olib borilayotgan ishlar, yoshlarning muammo va takliflari bilan ishlash holati hamda ularning ijtimoiy faolligini oshirishga qaratilgan tashabbuslar yuzasidan mas’ullarga tegishli tavsiya va ko‘rsatmalar berildi.

Bunday o‘rganishlar orqali mahallalarda yoshlar bilan ishlash tizimini yanada takomillashtirish, ularning bandligini ta’minlash va mavjud muammolarni o‘z vaqtida bartaraf etishga alohida e’tibor qaratilmoqda.