Xalq deputatlari Qo‘qon shahar Kengashiga 26-"Yangi obod" saylov okrugidan saylangan deputat G.Payg‘amova tomonidan Qo‘qon shahar Davlat xizmatlari markazida O‘zbekiston Respublikasining 2015-yil 9-dekabrdagi O‘RQ-395-sonli “Elektron hukumat to‘g‘risida”gi Qonuni ijrosi yuzasidan amaliy o‘rganish ishlari olib borildi.

O‘rganish jarayonida Xalq deputatlari Qo‘qon shahar Kengashi kotibiyati bosh mutaxassislari X.Abdullayev va A.Adxamov tomonidan amaliy ko‘mak ko‘rsatildi.

O‘rganish davomida Davlat xizmatlari markazi tomonidan aholi va tadbirkorlik subyektlariga ko‘rsatilayotgan elektron davlat xizmatlarining sifati, ularning tezkorligi hamda qulayligi, murojaatlarni ko‘rib chiqish amaliyoti va xizmatlardan foydalanish jarayonlari tahlil qilindi.

Shuningdek, Davlat xizmatlari markazi bilan shahar hududidagi davlat organlari va tashkilotlari o‘rtasidagi elektron hamkorlik, axborot tizimlarining o‘zaro integratsiyalashuvi, idoralararo ma’lumot almashinuvi hamda fuqarolar va yuridik shaxslarga ko‘rsatilayotgan xizmatlar ko‘lami yuzasidan mas’ullar bilan atroflicha fikr almashildi.

O‘rganish davomida elektron davlat xizmatlarini yanada takomillashtirish, xizmatlar sifatini oshirish, raqamli texnologiyalarni keng joriy etish hamda aholiga qulay va shaffof xizmat ko‘rsatish tizimini rivojlantirish borasida amalga oshirilayotgan ishlar muhokama qilinib, mavjud masalalar yuzasidan tegishli taklif va tavsiyalar bildirildi.

Xalq deputatlari Qo‘qon shahar Kengashi